وكالة أوقات الشام الإخبارية
تغريدة يوسف الخال تبلبل “تويتر”.. “والدك سوري مجنس لبناني”
أثارت تغريدة الممثل اللبناني، يوسف الخال، ضجة واسعة، والتي قال فيها: “اللي مش عاجبه لبنان يفلّ منّه ومن جباله ومن بحره ومن زبالته ومن فنّه ومن شاشاته.. نحن فينيقيين لبنانيين أصلاً ومبسوطين فيه ورح يتحسن شوي شوي إذا اللي متلنا بقيوا فيه. من الرب نطلب”.
اللي مش عاجبه لبنان يفلّ منّه و من جباله و من بحره و من زبالته و من فنّه و من شاشاته.. نحن فينيقيين لبنانيين أصلاً و مبسوطين فيه و رح يتحسن شوي شوي إذا اللي متلنا بقيوا فيه. من الرب نطلب.
— Youssef Al Khal (@youssefalkhal) September 7, 2019
وفي التفاصيل أنّ الناشطين تفاعلوا مع التغريدة، فكتبت ستيفاني جعجع: “يعني بعد زين العمر ورامي عياش.. “من الرب نطلب” تخففوا شوي نظريات الله يرضى عليكن..
وعفكرة مش عاجبنا شي وبدنا ننتقد وبدنا نبقى.. وهيدي انو رح يتحسن البلد شوي شوي سمعناها كتير بس بظل العهد “القوي” تمسحنا زيادة!”.
أمّا هالة جوهر فردّت بالقول: “يللي مش عاجبو عمينتقد من حرقة قلبو أو فشة خلق أو يمكن املاً انو حدا يتأثر ويرد (بس بشك)..كلنا مننتقد ما ضروري نزايد عبعض..”.
من جهتهم، صوّب ناشطون آخرون على كلام الخال عن أصله الفينيقي اللبناني، إذ كتب جورج: “يوسف الخال ،شاعر وصُحفي سوري مجنس لبناني، ولد في 5 أيار 1916 في عمار الحصن وهي إحدى قُرى وادي النَصارى في سوريا لَجَأ إلى مَدينة طرابلس، لبنان.أنشأ في بيروت دار الكتاب،وبدأت هذه الدار نشاطها باصدار مجلة “صوت امرأة” التي تسلم الخال تحريرها، بالإضافة إلى إدارة الدار حتى سنة 1948″.
اقرأ أيضا: الشيف أنطوان يكشف خيانة زوجته له.. وكم بلغت ثروته؟
أمّا الصحافي عمر حرقوص فكتب: “في هذا الوقت يتقلب الشاعر اللبناني السوري يوسف الخال أبرز شعراء الحداثة في قبره.. هل هذا ابنك يا رجل؟”.
في هذا الوقت يتقلب الشاعر اللبناني السوري يوسف الخال أبرز شعراء الحداثة في قبره.. هل هذا ابنك يا رجل؟
— Omar Harkous (@oharkous) September 7, 2019
المصدر: “لبنان 24”
