متابعو نسرين طافش سخروا من صوتها وهكذا ردت

متابعو نسرين طافش سخروا من صوتها وهكذا ردت
منذ فترة، طرحت الفنانة السورية نسرين طافش أغنية منفردة جديدة لها بعنوان (إلا معك)، تزامناً مع احتفالات عيد الحب الذي صادف يوم 14 فبراير/شباط الماضي.
نسرين طافش تعرضت لهجوم غريب من بعض الأشخاص الذين شككوا بصوتها، مؤكدين أن صوتها لا يصلح للغناء أبداً الأمر الذي جعل النجمة السورية تسجل مقطعاً لها وهي تغني الأغنية مرة أخرى ونشره عبر حسابها على موقع الانستغرام.
كتبت نسرين طافش تعليقاً جاء فيه: (بدون فيديو كليب و بمحبتكون اتخطت اغنية الا معك حاجز المليون فيوز على اليوتيوب .. البعض قالو الصوت كتير طالع حلو و نقي بتسجيل الاغنية أكيد لاعبين بصوتها و محسن بالاوتو تيون و نسرين مافيها تغني لايف اعتبرت هالشي مديح لانو هاد كان صوتي مية بالمية متل الفيديو هاد .. الا ازا في اوتو تيون عالسناب و ما عندي خبر .. لهيك حبيت اهديكون الأغنية بصوتي بدون اي اضافة).
تابعت: (الاضافة الوحيدة اني بغني باحساس و من قلبي و بثقة .. انك تقول عني ما بتحب صوتي هاد عادي و ذوق شخصي و مزاج لانو انا في اصوات حلوة كتير و مع هيك ما بحب اسمعلها بس هاد ما بيلغي انو اصواتهون مش حلوة الذوق شي و محاولة التقليل من موهبة او من نجاح الآخر موضوع مختلف تماما .. الاولى ذوق اما الثانية غلّ صرف و نابعة من شعور بالنقص بتخلي الواحد ينتقص من أي شيئ جميل بيمتلكو الآخر).
واصلت نسرين طافش رسالتها قائلة: (بعمري ما ادعيت اني ام كلثوم أو اسمهان انا عاشقة للفن بكل اشكالو و روحي شغفها الفن لهيك أنا ممثلة اولا لهالسبب ما بحب كتير غني بلقاءاتي لانو شغفي الأول التمثيل و مغنية ثانيا لانو الغناء هوايتي و عم طور هالموهبة يوم بعد يوم اكتر و ناشرة للحب و النور بكل اشكالو ثالثا من خلال الفن و لسا بدي اكتب و اعمل الي بحبو و ازرع الدنيا كلها فن و حب و بهجة و نجاح بحرية و متل ما بحب و وقت الي بحب على طريقتي).
ختمت النجمة السورية حديثها قائلة: (انتقاص اي شخص من نجاح الآخرين و محاولة احباطهم هو نقص ما بداخلو اولا و أخيرا .. لإنو الانسان المتوازن نفسيا و فكريا استحالة ينزعج من نجاح الآخرين و ازا ما حب شي بيبعد عنو و بيتجاهلو .. بدي اشكر الملحن الكبير هشام بولس على ثقتو بصوتي بأغنية الا معك وكل الملحنين الكبار الي الهون خبرة كبيرة بالفن و شجعوني والي تعاملت معهون بالبومي الي رح ينزل باول الصيف ان شاءالله .. النجاح ما بيخبي حالو مهما عبر مشتتات من هنا أو هناك بالعكس هاد ما زادني الا قوة لكمل و اعرف اني عالطريق الصح .. عدد المتابعين مجرد رقم و البلوك اسهل شي عندي .. تركيزي رح يكون دائما على المحبين و ردي دائما رح يكون بنجاح جديد سواء بالتمثيل أو بالغناء أو بأي مجال تاني رح انجح فيه بإذن الله .. محبتي).
نشير إلى أنّ أغنية (إلا معك) من كلمات منير بو عساف، ألحان هشام بولس وتوزيع داني حلو.
الجرس