ريما الرحباني تعلّق على ما قاله جورج وسوف عن السيدة فيروز

ريما الرحباني تعلّق على ما قاله جورج وسوف عن السيدة فيروز
علقت المخرجة اللبنانية ​ريما الرحباني​ ابنة السيدة فيروز، على كلام الفنان ​جورج وسوف​ في الحلقة التي أطل بها ليلة رأس السنة في برنامج “منا وجر”، حيث قال حينها “أنا ما بتجرأ غنّي للسيدة فيروز”، وكتبت الرحباني عبر حسابها الخاص على أحد مواقع التواصل الإجتماعي التالي:
“لفتتني جملة كتير مهمّة مؤلّفة من سِتْ كلمات فقط بمطلع هالسنة
قالا جورج وسوف ومرقت مرور الكرام طبعاً لأن ما إلتقى حدا
من المحاورين السبعة الكرام يسمعا أو يعلّق عليا ..
جورج وسوف سلطان الطرب قال حرفيّاً “انا ما بتجرأ غنّي للست فيروز”.
الحقيقة مش مهم حدا يسمعا بِقَدْر ما كان كتير مهم هالفنانين
الزغار والكبار يسمعوها لعلَّ وعسى يتعلّموا من سلطان الطرب.
يعني عدا عن إنّهن عم يخِلّوا بالحقوق..
ما بعرف منين عم بيجيبوا كل هالتواضع بإنّهن ع شوي،
يتركوا أغانيهن الخاصة، إنْ وُجِدَت، وما يغنّوا إلا لفيروز
تحيّة تقدير ومحبّة للكبير جورج وسوف”.