قالت ستي.. أقوال مأثورة من البيئة الشامية هل تعرفونها ؟

قالت ستي.. أقوال مأثورة من البيئة الشامية هل تعرفونها ؟

قالت لي ستي :
وقت الكباب سكروا الباب ووقت المجدرة نادوا للمعترة اي نعم ..
قالت ستي.. ابن آدم نصو خلقة ونصو خرقة ويلي ما بتزينو عروقو ما بيتزينو خروقو اي نعم
قالت ستي.. البخيل متل الكديش بيحمل ذهب وبياكل حشيش اي نعم
قالت ستي.. خدي الفارس و لا تاخدي الدارس اي نعم ..
قالت ستي.. عمرك ياحية مابتصيري خية ، و خايف هزك يا غربالي يوقع منك كل عزيز وغالي اي نعم ..
قالت ستي ..العشرة يلي هانت ياريتها ما كانت..! و العشرة مابتهون إلا على ولاد الحرام اي نعم
قالت ستي.. العتب على قد المحبة ، و اللي بيعاتب الرخيص بيرخص
قالت ستي.. الأصيل أصيل ولو حظو على قدو وإبن النعمة مبين ولو الزمن هدو اي نعم
قالت ستي ..مو كل ورد خلق للشم ولا كل البشر بتنفدى بالدم اي نعم
قالت ستي.. قالتلا ياجارة سكبيلي .. ردتلا بكفوفي ولا بصحونك الي ع رفوفي
قالت ستي.. لا تضرب وتغمق الجرح مابعد العداوة إلا الصلح اي نعم و إذا وقع الأسى و ين المحنينين..
قالت ستي ..ناموا عندي ليلة فكروا حالهم من العيلة اي نعم
قالت ستي بنت الأصل بتخلي كوخها قصر ، لهيك خود بنت الأصيل ونام ع الحصير ، اي نعم
قالت ستي خليكي عند أهلك عزيزة وشبعي دلال صح كتار الشوراب بس قليلين الرجال اي نعم
قالت ستي.. قبل ماتركبي لأذانك حلق روحي ركبي لتمك غلق اي نعم
قالت ستي … ماصفي حدا صالح كل الناس مصالح و يا مكتر صحابي لما كان كرمي دبس ، و ما أقل صحابي لما كرمي يبس ..اي نعم
قالت ستي.. الأرض الواطية بتشرب ميتها و مية غيرها
قالت ستي .. قالوا للبقرة حاندبحك و نغيرلك جلدك قالتلون تروك جلدي علي و أنا بخير من الله
قالت ستي ..عدو جدك ما بيحبك ، و تمنى الخير لجارك بتلاقيه بدارك ، و بكرى بيدوب المرج وبيبان المرج ..أي نعم
قالت ستي و ما أجمل ما قالت ستي

اقرأ أيضا: 12 حيلة لجعل الواي فاي يعمل بشكل أسرع