الخميس , مايو 19 2022
تولاي هارون لنقيب الفنانين: هي المصاري لهيك

تولاي هارون لنقيب الفنانين: هي المصاري لهيك أزمة مو لتتبروظ فيها!

تولاي هارون لنقيب الفنانين: هي المصاري لهيك أزمة مو لتتبروظ فيها!

وجهت الفنانة السورية تولاي هارون رسالة الى نقابة الفنانين تدعو فيها النقيب زهير رمضان للاقتداء بنقيب المحامين لجهة صرف مبالغ مالية من صدوق النقابة لدعم المنتسبين والاعضاء بسبب الضغوط المعيشية المتزايدة المترافقة مع ازمة كورونا.

وقالت تولاي في رسالتها التي نشرتها على حسابها الشخصي في فيسبوك: “بدي احكي كلمتين محشورين بحلقي بعد ما لفت نظري على مواقع السوشال ميديا الشكر الكبير من المحامين بكل المحافظات السورية للسيد نقيب المحامين الإستاذ الفراس فارس بنقابة المحامين يلي اتعاطف مع منتسبي نقابته بكل أفرع المحافظات بهذه المحنة بزمن الكورونا.. بقرار جرىء و نوعي و رجولي و إنساني بهذا الزمن بصرف منحة مالية من صناديق النقابة ولو حتى أفلست النقابة.. و قبلها قام بصرف سلل غذائية من حسابه الخاص مع بعض الأعضاء و تم أيصال السلل لمنازل المنتسبين دون تكبيدهم أي عناء بهمة بعض المحامين و كان الهدف بسمو النفس و الاحترام إن المنتسب النقابي (ما يمد ايدو بتدين او ياخد معونة من ايا وزارة كانت.. ولا بيخلي زميله العضو ينهان وهو عم يطلب سلفة او منحة…)

إقرأ أيضاً :  لاميتا فرنجية بفستان أحمر قصير على دراجة نارية

وأضافت تولاي هارون : “ياريت تكون نقابة الفنانين لدينا بهذه الأنسانية و يأخدوا قرار جريء بصرف المنح من صناديق نقابتنا لزملائنا يلي هنن بالأساس لولاهن مافي مصاري بالنقابة ولا حتى هن صاروا أعضاء نقابة ويقولوا عندنا مليار بصناديقنا.. تفضلوا أذا مو وقت صرفها هلق بوقت أزمة الكرونا و رمضان ومافي شغل من عدة سنوات.

وتوجهت تولاي بالحديث إلى نقيب الفنانين: حضرة النقيب.. هيي المصاري لهيك أزمة مو مشان يضلوا بالصندوق وتتبروظ فيهم..
وأضافت: انت بمنصبك مسؤول عننا نحنا الزملاء بهيك ظروف وممنوع تتهرب من المسؤولية وتزتنا لوزارة الشؤون الاجتماعية والعمل.. لانك بتعرف في فنانين ممكن يموتوا من الجوع ولا بيبعتوا أسمائهم لغير نقابتن بحكم حساسية الموضوع عند الفنان.

وتابعت: “ورح نفرض جدلا انو الكل بعت للوزارة.. انت ليش ما بادرت وعطيت المتقاعدين ولا هدول ما بينتخبوا لهيك أصواتن مو مهمة.. ومافي داعي نهتم فيهم.

وخاطبت زهير رمضان: ما بدنا تمثل علينا دور البطل وتقول رواتبهم 25 الف بتكفيهم.. أنتا ياترى بكفيك 25 الف لانو عيب علينا أمام المجتمع انو من أسس نقابة الفنانين ووصلك لمنصبها يكون هيك راتبه وحتى ما يستفاد بهيك ظرف من نقابته وانت من تمك قلت معك مصاري.
وطلبت من نفيب الفنانين الخروج الى الاعلام لتوضيح الامر: ” اما بتقول في مصاري ورح نعطي منح للمتقاعدين.. ولكل متضرر من وباء الكورونا.. او بتطلع وبتعترف بالعجز المالي ونحنا وقتا منعذرك.

إقرأ أيضاً :  محمد قنوع يؤدي مناسك العمرة.. صور

اقرأ أيضا: صورة أمل عرفة تُشعل حربا كلامية بين الجمهور وما علاقة ديما بياعة؟

شاركنا تعليقك على هذه المقالة في صفحتنا على موقع فيسبوك