الخميس , أكتوبر 29 2020
اليكم الطريقة الصحيحة للعناية بمريض كورونا في المنزل

اليكم الطريقة الصحيحة للعناية بمريض كورونا في المنزل

اليكم الطريقة الصحيحة للعناية بمريض كورونا في المنزل

طريقة العناية التمريضية بمريض فيروس كورونا المستجد في المنزل.

الموضوع التالي طويل قليلاً, و هو تمريضي أكثر منه طبي أو دوائي . الغاية منه توفير نصائح عامة و ليس علاجاً لحالة محددة، و لا يغني عن مراجعة الطبيب او المشفى عند اللزوم.

الهدف من الموضوع توفير عناية صحيحة لمريض الكورونا في المنزل ومساعدته على الشفاء مع منع انتشار مرضه لافراد العائلة و المجتمع و الحد من انتشار الوباء.

١- أي مريض يعاني من سعال، ارتفاع حرارة، وهن أو تعب، آلام عضلية، فقدان حاسة الذوق أو الشم (أعراض مميزة جداً) ، الام بطنية و اسهال دون سبب واضح هو مـريض كـورونا حتى يـثبت الـعكس.. و يجب التعامل معه على هذا الأساس سواء في فحص PCR متوفر أو ما في.

مع ملاحظة انه حتى لو تم اجراء فحص ال PCR و كان سلبي، يمكن اعتباره سلبية مزيفة و علاجه ع أساس كورونا بكل الأحوال. هالشي عم نعملو هون بشكل روتيني و عم نشوف سلبية مزيفة.

٢- طالما المريض ما عندو حرارة عالية جداً (تفوق الأربعين) أو ضيق تنفس شديد أو نقص أكسجة أو تغيم في الوعي فالأفضل بـقاؤه فـي الـمنزل ضمن الظروف الصحية الحالية في سوريا.

٣- القاعدة الأهم »» الـعزل الـصحي :

– المريض لازم يبقى بغرفة لحالو كل الوقت بيقعد فيها ، بياكل فيها و بينام فيها و ما بيطلع منها الا ع الحمام.

هالشي كتير ضروري حتى لو اضطريتوا تغيروا توزيع البيت بشكل كامل حتى لو مؤقتاً.

يفضل تكون الغرفة قريبة من الحمام. و لازم يكون للغرفة باب بيتسكر. باب الغرفة بيضل مسكر كل الوقت ، لازم يكون في للغرفة نافذة للخارج و تتم التهوية للخارج و ليس باتجاه المنزل.

– بيعتني بالشخص المريض شـخص واحـد فـقط و ما حدا تاني بيفوت لعندو طول مدة العزل.

– الغرفة بيكون فيها غيارات للمريض و كمية كبيرة من التياب، معقمات، اقنعة للوجه، كفوف.

و كمان بيكون فيها وسائل للتسلية : كتب، تلفزيون، موبايل، شاحن، تابلت او لابتوب

– العناية بالمريض تتم مرة كل ٨ ساعات الا اذا في شي ضروري بيحتم الدخول لعند المريض بشكل اضطراري.

– الشخص اللي بيعتني بالمريض :
لما بيفوت لعندو بيلبس قناع وجه و كفوف.
بيقيس حرارتو، بيقيس اكسجينو اذا في امكانية، بيعطيه احتياجاتو
اذا في غسيل او زبالة بيحطن بكيس نايلون و بيسكر الكيس قبل ما يطلع من الغرفة و بيطالعهن من الغرفة بكيس مسكر.
اول ما بيطلع من الغرفة بيشيل الكفوف و القناع فورا و بيتخلص منهن فورا او بيغسلهن بمي سخنة و صابون فورا.
ما بيصير ينخلطوا مع اي شي تاني. الممرض بيعقم ايديه فوراً و بيغسل ايديه بالمي و الصابون.
الزبالة بتنكب برات البيت فوراً كل مرة باكياس مسكرة ضمن الحاويات المخصصة للموضوع.

– ملاحظة : المريض ضروري جداً يلبس كمامة بغرفتو لما بيفوت لعندو حدا. يعني بيكونوا الشخصين لابسين كمامات : المريض و الممرض.

– في حال عدم توفر الكمامة الطبية، ممكن خياطة كمامة من قماش سميك مطوي على طبقتين او تلات طبقات و بينهم شاش ان أمكن. يتم غسل هذه الكمامة بماء ساخن و صابون بشكل دائم قدر الامكان.

– المريض اما بياكل و بيشرب بصحون و كاسات و ادوات بلاستيكية تستعمل لمرة واحدة، او اذا ما في مجال: بيكون للمريض ادوات خاصة فيه ما بيستعملا حدا تاني و ما بتنخلط بادوات باقي افراد البيت. ادوات المريض بتنجلى بمي سخنة و صابون لحالها. اللي بيجليهن بيكون لابس كمامة للوجه هو و عم يغسلن.

– غسيل المريض بينحفظ بكيس مغلق ضمن غرفة المريض لحتى يصير وقت الغسيل. و بعدين بينغسل لحالو فوراً اول ما يطلع من غرفتو، بمي سخنة و صابون، و ما بينخلط بغسيل باقي افراد المنزل. و بعد الغسيل منعمل وش غسيل بالكلور بغسالة فاضية للتعقيم.

– المريض لما يكون قاعد بغرفتو لحالو ممكن يضل بلا كمامة. بس لازم حتماً يلبس كمامة اذا فات لعندو اي حدا او اذا طلع من الغرفة ع الحمام

– لما بيطلع المريض ع الحمام، كل افراد المنزل بيبعدوا عن طريق المريض و ما حدا بيقرب عليه ع الطريق. المريض بيضل حاطط الكمامة كل الوقت ليرجع ع غرفتو. كل مرة المريض بيستعمل الحمام، الممرض بيفوت بعدو ع الحمام و بيعقم الحمام بالمي و الكلور هو و لابس كمامة.

– مدة عزل المريض : ١٠ ايام من لحظة بدء الاعراض بشرط ان يكون قد مضى على المريض أكثر من ٢٤ ساعة بدون ارتفاع حرارة بدون استعمال خافضات الحرارة.

– جميع أفراد العائلة و كل مخالطي المريض (أي حدا ضل مع المريض لمدة اكتر من ١٥ دقيقة بنفس المكان خلال العشر ايام الماضية) لازم يضل بالبيت و يحجر حالو بالبيت لمدة عشر ايام من تاريخ آخر مخالطة للمريض. ينتهي الحجر اذا انتهوا العشر ايام و لم تظهر اي اعراض على المخالط. اذا ظهرت اعراض، بيبدأ العزل الكامل و بيبلش العد من اول و جديد.

– ضروري جداً الحفاظ على نشاط المريض. ما يضل بالتخت كل الوقت. ضروري يتحرك ضمن الغرفة.
– ضروري أخذ نَفَس عميق كل الوقت.
– ضروري الحفاظ على التغذية الجيدة و شرب سوائل بشكل جيد طيلة فترة المرض.

– في اداة طبية بيستعملوها بعد الجراحة لمساعدة المريض ع التنفس. اسمها incentive spirometer وبيسموها العوام اركيلة طبية. اذا قدرتوا تحصلوا عليها ضروري جداً المريض يستعملها عشر مرات بالساعة كل ساعة هو و فايق. اذا ما قدرتوا تدبروها ممكن استعمال بالون ملون (بالونات الاطفال)، و ممكن المريض يحاول ينفخو خمس لعشر مرات بالساعة. هالممارسة ضرورية جداً لابقاء الرئات مفتوحة و منع انسداد الطرق الهوائية بالبلغم حتى لو تسببت بالسعال.

– حاولوا الحصول على مقياس اكسجين للمنزل. الوضع مطمئن طالما كانت نسبة الأكسجة أعلى من ٩٠ بالمية. اذا لم يتوفر مقياس الاكسجين مو مشكلة. يجب الاتصال بطبيب فوراً اذا نزلت نسبة الاكسجة عن ٩٠ بالمية او صار في ضيق نفس شديد.

– الاستلقاء على البطن : ضروري جداً للمريض المصاب بالكورونا الاستلقاء على البطن حوالي ٤-٨ ساعات يومياً على الاقل اذا كان بالامكان. الاستلقاء على البطن يزيد الاكسجة و قد يساعد المريض الّا يحتاج للمستشفى. و ممكن الاستلقاء على الجانبين اذا كان الاستلقاء على البطن صعباً على ان يتم تغيير وضعية الاستلقاء كل ساعتين من جانب لآخر.

⛔ #الـطريقة_الـصحيحة للعناية بمريض #كـورونا في #الـمنزلطريقة العناية التمريضية بمريض فيروس كورونا المستجد في المنزل….

Posted by ‎MedDose – منصة الصحة السورية‎ on Saturday, August 1, 2020

إقرأ أيضاً: وفاة طبيب دمشقي جديد بفيروس كوروناالدكتور عـمر الـسمّان 
مـيددوز – مـنصة الـصحة الـسورية

اليكم الطريقة الصحيحة للعناية بمريض كورونا في المنزل