سلاف فواخرجي تنجو من الموت..كاد أن يلتهمها أسد.. بالفيديو

شاركت الممثلة السورية سلاف فواخرجي المتابعين عبر صفحتها الخاصة على موقع التواصل الإجتماعي مقطع فيديو لمشهد محذوف من مسلسلها “كليوبترا” الذي عرض منذ 10 سنوات، مشيرةً إلى أن مخرج العمل قرر عدم إستعمال المشهد بسبب خروج الأسد الذي يظهر معها عن طوره وتحطيمه للديكور، وأنها نجت من الموت حينها.

وعلّقت قائلةً:”هاد المشهد بمسلسل كليوباترا ، لم يعرض عالشاشة ضمن المسلسل ، لأنه ما اكتمل واكتفى المخرج وائل رمضان بهي اللقطة بشارة البداية … بسبب انو الأسد اللي كنت أنا وياه والمصور فقط بالقاعة لحالنا ، طلع عن طوره تماما ولما حرك راسه بآخر اللقطة هي كانت البداية لتحطيمه كل الديكور بالكامل واللي رجعنا بنيناه من جديد”.

وأضافت:”راكان حموده المصور لحق حاله وهرب واخد الكاميرا معه …وبقيت انا … الحمدلله ماصرلي شي وليكني هلأ موجودة وعم اكتب”.

وتابعت:”بس من أنا وطفلة … بحس انو عندي قوى خارقة معينة بناء على تجارب وأدلة مو بس حكي … ويمكن كمان لأني بحب الحيوانات كتير فبحس اني قادرة افهم عليهم …وياما حكيت معهم بلغتهم … باحلامي”.

وأكملت:”تعاملت مع معظم الحيوانات الاليفة بطبيعة الحالوتعاملت مع أسود ونمور وتمساح وأفعى اللي الي معها قصة تذكر كمان …يمكن تهور متل ماقلي مشرف الصوت حمزه الشعار ، انو في خيط رفيع جدا بين الشجاعة والتهور …وهاد … تهور … !!!يمكن معه حق”.

وختمت بالقول:”بس وقتها نسيت احكيله عن قوايي الخارقة وانا وصغيرة … وأحد الأدلة هو مثلا هو هاد المشهد”.