ضبط التكاليف.. !!

ضبط التكاليف

كتب الاقتصادي اياد انيس محمد على صفحته الشخصية في انتقاد ساخر لموضوع الاحتيال على تكاليف المنتجات التي ألزمت بها وزارة التجارة الصناعيين والحرفيين :

“” ذكروني بموضوع ضبط التكاليف ..بحادثة مرت معي بالتسعينات “”
كنت عند صديق بيشتغل منظمات للكهرباء بورشة متخصصة ..
عجبني منظم موجود بالورشة فطلبت اشتريه .

كان الجواب مفاجئ !!!

هادا المنظم ما بينفعك للشغل وقال :

“”هادا المنظم معمول من قطع غالية منشان نقدمه للتموين ليحطولنا تسعيرة عالية للمبيع “” ..

واليوم مع التشديد من التجارة الداخلية على ضبط التكاليف والتصريح عنها ..رجعت للذاكرة قصة المنظم ومكوناته المخصصة للتسعير مع اسقاطات على كل سلع البلد .

وهون منشوف عبقرية تجارنا وصناعينا بالالتفاف على القرارات والقانون 8 بهجوم استباقي ..

وبنفس الوقت منشوف مهارة وزارة التجارة بصد هادا الهجوم وضبط الأسعار بمحيط هوامش الكلف اللي عم يحطوها ..

و نحنا ناطرين نشوف مع مين بدنا نحتفل بالمباراة النهائية .

واسرة الموقع تتمنى تفوز وزارة التجارة لأن قنوات التلاعب والاحتيال مازالت مشرّعة نظراً لتعوّد الوسط التجاري على أرباح مبالغ بها وستبقى محاولات الالتفاف حتى التطبيق الفعلي لعقوبات القانون / 8 / .

اقرا ايضا: بلدي مستورد …!