مصري يتغزل بوصف البضائع السورية في مصر.. هذا ما كتبه!

مصري يتغزل بوصف البضائع السورية في مصر.. هذا ما كتبه!

سوريا ماركت!!
ده كنز سورى على الاراضى المصرية, السوريين بحاجتهم الحلوة الشهية ملها موجودة فى مكان واحد.. الواحد مش عارف يبدا منين ولا منين:
انت بمجرد ما تدخل بتحس انك سافرت تاخد جولة في سوق في قلب دمشق.
تدخل الماركت تبقى في عالم تاني .. بالظبط كإنك بتتمشى في سوق في دمشق ((مش سوق بالمعنى الدارج)), دا مكان منظم جدا و كفاية بس انك اول ما بتفتح الباب بتلاقي حد بيستقبلك بترحيب و يضايفك بقطعة حلويات سورية .. الاستقبال دا لوحده بيحببك في المكان.
اول حاجة هتقابلك الحلويات السورية و الكنافة النابلسية و بعدها تدخل على تلاجة الايس كريم (فيها اكتر من 30 نوع) و اهمهم البوظة العربي بالفستق بعد كدة تلاجة الجبن .. دي فيها الجبنة العكاوي و الشلل و اليالنجي “ورق عنب و بتنجان بدبس الرمان”
بعد كدة المخللات السورية الجميلة زي المكدوس و الزيتون المشوي و انواع زيتون فاخرة كتير جدا و طبعا زيت الزيتون (من انتاجهم).
نيحي بقى للحلويات .. هتلاقي تلاجة فيها احلى انواع المربات زي اللارنج “طعمها تحفة” و مربة البتنجان.. ايوة انت قريتها صح مربى البتنجان حاجة فى منتهى الجمال بصراحة ( ولازم مخك هيهنج ازاى دى أتعملت ولا فكروا فيها ازاى ) دي بقى تجيب معاها شوية قشطة و عيش طازة و تقعد تتمزج بيهم.
في قسم العطارة، الزعتر السوري سادة و بالسمسم و بدبس الرمان، قرفة عيدان، كل الزيوت الطبيعية، العطرية زيوت للشعر و البشرة، كل المشروبات الطبيعية الجاهزة (عطارة كاملة).
و لسة بقى الشيكولاتات (اكتر من ٣٠ نوع) و الفواكه المجففة، و في عناقيد عين جمل بملبن من دبس العنب دي اتفاجئت بفكرتها و طعمها عجبني كثير، في كمان قسم للقهوة و المكسرات و الفواكه المجففة و مجمدات جاهزة عالتسوية يا دوب تدخلها الميكروييڤ او الفرن او تحمرها في الزيت تبقى جاهزة للاكل على طول.
في توصيل لكل مناطق القاهرة (شبرا، مدينة نصر، مصر الجديدة، الرحاب، العبور، المقطم، مدينتي، التجمع الاول، التجمع الخامس، المعادي، الشروق، رمسيس، حدائق القبة، سرايا القبة).
وعاملين طبعا دلوقتى قسم التمور و الياميش و المشروبات الرمضانية و فوانيس رمضان.
يافندم أنا والله مش عارف اوصفلك إيه ولا إيه بجد ربنا يوفق السوريين أكدع ناس والله!

إقرأ أيضاً: اعتدى على بنت الجيران فكانت المفاجأة من زوجته