نادين نسيب نجيم: حلو عني وعن حنكي

نادين نسيب نجيم: حلو عني وعن حنكي
ضاقت النجمة اللبنانية نسيب نجيم ذرعًا بالتعليقات السخيفة التي تتلقاها من بعض الصفحات الساخرة بسبب شكل حنكها الذي يوصف دائما بأنه كبير حيث كتبت رسالة طويلة وجهتها للمنتقدين نشرتها عبر حسابها الرسمي على تطبيق تبادل الفيديوهات والصور العالمي قالت فيها:
(بعتقد بكفي حكيتوا كتير عن موضوع شكل وجي وأخدتوا راحتكم وانتقدتوا لشبعتوا صرلكم سنة بس مش معقول كل ما نزل صورة حلوة او ايا شي بتتركوا كل شي وبتعلقوا على حنكي بالوقت يلي بتنفحطوا وبتجنوا بجمال الأجانب وهيدي الصورة حطيتا ليش حلال على الأجانب وعليي انا لاء!)
وأكملت كلامها قائلة: (تتشوفوا عقدة البعض مني أنا تحديداً وكأني الأولى والأخيرة هيدي انا هيدا شكلي وكتار حاولوا يقلدوني بس بنفس الوقت بينتقدوني هيدي مع الأسف نفسيات البعض انا متقبلة بس خلص حكيتوا وانا ما عم رد ولا رح غير شكلي كرمال حدا هيك انا مبسوطة ويلّي اجمل مني يعمل احسن مني ما زهقتوا نفس الحكي بتعيدوا صرلكم سنة والله انا زهقت عنكم! وشو المقصود من كل هل حكي غير حالي؟ مستحيل!! تأثروا على نجاحي على ثقتي بنفسي؟ مستحيل!!! تغيروا رأي العالم يلي بحبوني وبشوفوني حلوة بدكم تعملولن غسل دماغ لكل انسان بحبني وتحاولوا تشوهوا صورتي قدامن !! مستحيل مستحيل بدكم تجيبوا لايك و فولورز؟ اي ممكن بس نصيحة ما شايفين أني ماشية بطريقي والمحبين والمعجبات كتار لوين بدكم توصلوا ؟)
وختمت رسالتها قائلة: (ما شايفين غيري بكل الوطن العربي؟ بعرف هيدي ضريبة النجاح بس اذا انا بنت بلدكم وهيك عم تعملوا فيي شو خليتوا لغير عالم هيدا جوابي للي عاملين حالن بيفهموا وعندن الصلاحية يحكموا على العالم وينتقدوا والمفروض المشهور يسكت ويبلعها و ما يحكي الحق ! انا انسانة وعندي صوت متلكم بجاوب وقت يلي لازم جاوب وهيدا جوابي ان شاء الله تحلوا عن حنكي و تركزوا بجمالكم يا حلوين إنتوا يا ملوك الجمال. والله يعطيكم على قد نيتكم وعلى قد ما بتحبوني
رواد مواقع التواصل الإجتماعي ساندوا نجمتهم المفضلة وطالبوها بعد الاكتراث لكلام أعداء نجاحها. ونحن نساند ملكة جمال لبنان وجميلة الممثلات العربيات ونأسف لسخافة المتطفلين والموبوئين.

بعتقد بكفي حكيتوا كتير عن موضوع شكل وجي و أخدتوا راحتكم وانتقدتوا لشبعتوا صرلكم سنة بس مش معقول كل ما نزل صورة حلوة او ايا شي بتتركوا كل شي و بتعلقوا على حنكي بالوقت يلي بتنفحطوا و بتجنوا بجمال الأجانب و هيدي الصورة حطيتا ليش حلال على الأجانب و عليي انا لاء ! تتشوفوا عقدة البعض مني انا تحديداً وكأني الأولي و الأخيرة هيدي انا هيدا شكلي و كتار حاولوا يقلدوني بس بنفس الوقت بينتقدوني هيدي مع الأسف نفسيات البعض انا متقبلة بس خلص حكيتوا و انا ما عم رد و لا رح غير شكلي كرمال حدا هيك انا مبسوطة ويلّي اجمل مني يعمل احسن مني ما زهقتوا نفس الحكي بتعيدوا صرلكم سنة والله انا زهقت عنكم ! وشو المقصود من كل هل حكي غير حالي؟ مستحيل !!! تأثروا على نجاحي على ثقتي بنفسي ؟ مستحيل !!! تغيروا رأي العالم يلي بحبوني و بشوفوني حلوة بدكم تعملولن غسل دماغ لكل انسان بحبني وتحاولوا تشوهوا صورتي قدامن !! مستحيل مستحيل بدكم تجيبوا لايك و فولورز ؟ اي ممكن بس نصيحة ما شايفين أني ماشية بطريقي و المحبين و المعجبات كتار لوين بدكم توصلوا ؟ ما شايفين غيري بكل الوطن العربي ؟ بعرف هيدي ضريبة النجاح بس اذا انا بنت بلدكم و هيك عم تعملوا فيي شو خليتوا لغير عالم هيدا جوابي للي عاملين حالن بيفهموا وعندن الصلاحية يحكموا على العالم وينتقدوا والمفروض المشهور يسكت و يبلعها و ما يحكي الحق ! انا انسانة وعندي صوت متلكم بجاوب وقت يلي لازم جاوب وهيدا جوابي ان شاء الله تحلوا عن حنكي و تركزوا بجمالكم يا حلوين إنتوا يا ملوك الجمال. والله يعطيكم على قد نيتكم وعلى قد ما بتحبوني #صرعتونا #نادين_نسيب_نجيم #nnn#nadinenassibnjeim ???????

A post shared by ?⭐? نادين نسيب نجيم-NNN (@nadine.nassib.njeim) on Mar 18, 2018 at 1:12am PDT

الجرس